Projekti i zhvendosjes së shtatores së “Nënës Terezë” nga rrethrrotullimi në pjesën përballë sheshit që mban po të njëjtin emër, ka bërë që disa nga partitë politike të komunës së Klinës ta përdorin si pjesë të fushatës së tyre për zgjedhjet lokale që do të mbahen në nëntorin e këtij viti.
. Kryetari i komunës, Sokol Bashota, gjatë deklaratës së tij për media ka thënë: “Ne si Komunë ju kemi përgjigjur kërkesës së famullisë së kishës katolike shqiptare “Zoja e Këshillit të Mirë” në Klinë”. Duke e parë se qytetarët kanë nevojë që të kenë qasje më të mirë rreth vullnetit të tyre për t’i bëre nderime figurës së Nenës Terezës, besoj që ky kënd që po ndërtohet, ju jep mundësi të gjithë atyre që dëshirojnë ta nderojnë figurën e shenjtë të Nënës Terezës, po ashtu, mundëson edhe shmangien e ndonjë rreziku eventual. Këtu po bëhet vetëm zhvendosja e shtatores, po jo edhe e sheshit, ngase sheshi i emërtuar “ Nëna Terezë “ do të mbetet gjithmonë p me këtë emër dhe në të njëjtën hapësirë, ku njëherësh është edhe vendim i Asamblesë komunale. Me këtë rast, nuk është qëllimi për të zhvendosur asnjë shesh’ nuk është qëllimi për të krijuar ambicie politike të askujt, ata të cilët dëshirojnë që për përfitime politike ta instrumentalizojnë figurën e Nënë Terezës, ata janë duke gabuar, sepse i kemi zgjedhjet dhe mund të bëjnë fushatën, por jo duke e penguar punën tone, se ne jemi duke punuar si Komunë e Klinës dhe gjithherë në shërbim të mirëqenies së qytetarëve të kësaj komune. Këtu nuk ka asgjë politike dhe as parazgjedhore, por si përherë duke i bërë respekt figurës së “Nënës Terezë”, e cila është meritore, jo vetëm në Kosovë, por në gjithë botën”, ka thënë kryetari Bashota.
Ipeshkvi, Imzot Dodë Gjergji, gjatë vizitës së tij në Klinë dhe takimit me kryetarin Bashota, tha se unë jam këtu sot për të parë nga afër lidhur me iniciativën për lëvizjen e shtatores së “Nëna Terezës”nga rrethrrotullimi . “Qëndrimi i Ipeshkvisë së Kosovës është që Nëna Terezë është ajo që na bashkon, na bën miq, e jo që na përçanë dhe askush nuk duhet ta përdor për interesa politike. Ipeshkvia e Kosovës ka qenë e njoftuar për ketë iniciativë, por ne nuk vendosim për këtë, është Komuna ajo që vendos”. Ipeshkvi Dodë Gjergji ka thënë se askush nuk duhet të marr qëndrim lidhur me “Nënën Terezë” dhe të kemi kujdes të mos japim deklarata të panevojshme dhe politike”, ka konstatuar ndër të tjera ipeshkvi Doda.
Don Lenc Sopi, udhëheqës i famullisë “Zoja e Këshillit të Mirë” në Klinë, ka pohuar se kërkesën e ka bërë ai dhe ka thënë se kjo iniciativë ka ardhur gjatë bisedave me qytetarë të Klinës, në veçanti me besimtarë që kanë kërkuar ta nderojnë figurën e “Nënës Terezë”. Kërkesën e kemi bërë në Kuvendin Komunal dhe kryetari i komunës, Sokol Bashota , na është përgjigjur pozitivisht, pa ndonjë qëllim politik, por vetëm për t’ju dhënë mundësi qytetarëve për nderime të figurës së “Nënës Terezë, ka shtuar don Lenc Sopi”.
