Kryetari i komunës së Klinës Sokol Bashota “tha se për këtë ditë të madhe më meritorët janë dëshmorët e kombit dhe të gjithë të rënët për liri. Sot ne më pietet përkulemi para veprës së tyre, ndërsa në nëntë vjetorin e çlirimit sot Klina ka edhe një plagë që ende brengosë zemrat e shumë familjarëve fatin e mbi 90 personave që ende nuk dimë për fatin e tyre”ka thënë kryetari I KK-së, Bashota.
Të mërkurën Klina ishte veshur më petkun festiv , sepse po kremtonte nëntë vjetorin ditën e çlirimit të saj. Si sot e nëntë vite më parë forcat e UÇK-së, triumfalisht hynë në Klinë pas luftës heroike më hordhitë çetnike që ende po rezistonin në qytet .Në lidhje më këtë ditë në komunën e Klinës po shënohen aktivitete të shumta .Që nga ora 9.00 e mëngjesit fillimisht nën intonimin e himnit shtetëror të Kosovës është bërë ngritja e flamurit të Kosovës para kuvendit komunal të Klinës, për të bërë nderime më pas në ngritjen e flamurit kombëtar në sheshin “Mujë Krasniqi” të qytetit. Aktivitetet kanë vazhduar më seancën solemne të asamblesë komunale të Klinës, kur para asamblistëve dhe qytetarëve të mbledhur kreu i komunës së Klinës Sokol Bashota tha se” sot po shënojmë një ngjarje të madhe në historinë e Klinës 18 qershorin, lirinë e shumë pritur e cila u arrit në saje në sakrificave të përbashkëta e mbi të gjitha flijimit të bijve dhe bijave më të mira të komunës sonë. Për këtë ditë më meritorët janë dëshmorët e lirisë dhe të pavarësisë së Kosovës, sepse ideali i tyre është bërë realitet sot kemi Kosovën të pavarur dhe sovrane , më kushtetutën simbolet dhe himnin shtetërorë të saj ashtu siç e deshën edhe vet dëshmorët e lirisë. Pas nëntë viteve Klina sot është më ndryshe , sepse është punuar mjaftë në mirëqenien e qytetarit të saj. Klina sot ka një infrastrukturë më të mirë një sistem arsimorë më të zhvilluar rrugë më të mira, dhe mbi të gjitha Klina ka marrë imazhin e një qyteti shumë të bukur. Megjithatë sot pas nëntë viteve Klinën e rënkon edhe një plagë mjaftë e rendë mos ndriçimi I fatit të mbi 90 personave që konsiderohen të zhdukur”është shprehur Kryetari Bashota. Aktivitet tjera po vazhdojnë në qytetin e Klinës kurse në ora 18.00 do të fillojë programi festiv ,ndërkaq delegacione të ndryshme po bejnë homazhe mbi varret e dëshmorëve të lirisë.
