Teatri i Ëndrrave nga Suhareka fiton çmimin “Osman R.Gashi”
Klinë, 2 Tetor
Në përkujdesje të Drejtorisë së Kulturës, Rinisë dhe Sportit në Klinë, organizuar nga Trupa Teatrale “Osman R. Gashi” e qytetit dhe mbështetur nga kryetari i Komunës së Klinës z. Sokol Bashota në Pallatin e Kulturës “ Jehona e Dukagjinit” në Klinë, për dy ditë me radhë është mbajtur Festivali i Grupeve Amatore Teatrale të Fëmijëve “ Dukagjini” 2015. Ky festival, i dhjeti me radhë, ka grumbulluar grupe teatrale nga qytete të ndryshme të Kosovës, Skenderaj, Peja, Suhareka, Vushtrria dhe Klina. Fëmijët e këtyre qyteteve në skenën e Qendrës së Kulturës në Klinë, para shumë dashamirëve të kulturës dhe artit kanë shpalosur vlerat e vërteta me komedi dhe drama të ndryshme. {^Image|(behavior)hover|(url)~/getattachment/f71d8cc4-2a69-4ce2-b09f-5c3368ca23bf/foto-festivali.jpg.aspx?width=300&height=149|(width)300|(height)149|(alt)foto-festivali.jpg|(align)right|(mouseoverwidth)400|(mouseoverheight)199^} Festivali kishte karakter garues, ndërsa juria në përbërje Idriz Berisha- piktor akademik e poet, Vlora Zhutaj-dramaturge dhe Gjon Gjergjaj-aktor, shkrimtar e skulptor, kanë vlerësuar me çmimin Osman R. Gashi, Teatri i Ëndrrave nga Suhareka për shfaqjen me të mirë. Juria, kryetar i së cilës ishte Idriz Berisha, vlerësoi edhe për këto çmime: Regjia më e mirë: Shaqir Bejta- Skenderaj, roli me i mirë i femrës: Ela Ramosaj Pejë, roli me i mirë i mashkullit: Jon Prelvukaj, teksti me i mirë i shfaqjes: “ Ndarja e Roleve” Isniq, Deçan, skenografia më e mirë: Teatri “ Kaçurrelat”- Skenderaj, loja me e mirë skenike kolektive: “ Motrat”- Pejë, aktori më i ri: Zana Ferati Vushtrri, muzika më e mirë e dramës: Gjemajl Kada” Mahije Zekaj- Pejë dhe për gardërobën më të përshtatshme të shfaqjes juria vlerësoi Teatrin “ Kaçurrelat” nga Skenderaj. Jashtë konkurrence, Teatri “ Osman R. Gashi, ka shfaqur komedinë “ Gjyshi im është koller”, me autor teksti Vlora Zhutaj, regjisor Alban Gashi. Kryetari i Komunës së Klinës, z. Sokol Bashota, ka treguar se tashmë Klina ka krijuar traditë në organizimin aktiviteteve të tilla kulturore, siç është ky eveniment për amatore dhe festivali “ I Këndojmë Lirisë” .
