Festivali i X, “ I këndojmë lirisë”, mbahet në përvjetorin e lindjes se komandantit të UÇK-së Mujë Krasniqi-Kapuçi. Festivali i X, “ I këndojmë lirisë”, mbahet në përvjetorin e lindjes se komandantit të UÇK-së Mujë Krasniqi-Kapuçi.
Në këtë festival marrin pjesë konkurrent dhe mysafir nga të gjitha trojet shqiptare.
Festivali mbahet me datë 06,07 dhe 08 Qershor 2010,në Klinë, nga ora 19:00, ndërsa ngritja e flamurit dhe hapja e festivalit bëhet me datë 06 qershor në ora 11:00,ku do të bëhet edhe përurimi i kullës së komandant Mujë Krasniqit.
Agjenda e festivalit “I këndojmë lirisë”
Me 06 Qershor 2010, në ora 10:30, fillon defilimi artistik në fshatin Çabiq prej shkollës fillore “Ali Krasniqi”,deri te kulla e Mujë Krasniqit. Vazhdon programi me përurimin e kullës së Mujë Krasniqit në ora 11:00, dhe hapjen e festivalit do ta bën kryetari i KK Klinë Sokol Bashota.
Programi kulturo-artistik:
Në ora 12:00 shtrohet “Sofra e Çabiqit”.
Në ora 17:00 grupet pjesëmarrës në festival bëjnë defilimin artistik në qytetin e Klinës.
Në ora 19:00 fillon festivali “I këndojmë lirisë”.
Me 07 Qershor 2010,në ora 15:00, promovim librash në sallën e KK Klinë, nën drejtimin e Prend Buzhalës.
Në ora 16:00 finalja e garave sportive.
Në ora 17:30 grupet pjesëmarrës në festival bëjnë defilimin artistik në qytetin e Klinës.
Në ora 19:00 fillon nata e dytë e festivalit “I këndojmë lirisë”.
Me 08 Qershor 2010,në ora 15:00,organizohet tribuna shkencore e udhëhequr nga dr.Asllan Krasniqi.
Në ora 16:00 shkëmbimi i dhuratave të udhëheqësve të grupeve artistike pjesëmarrëse në festival me kryetarin e KK të Klinës Sokol Bashota (salla e Kuvendit Komunal).
Në ora 17:00 grupet pjesëmarrëse në festival bëjnë defilimin artistik në qytetin e Klinës.
Në ora 19:00 fillon nata e tretë e festivalit “I këndojmë lirisë”.
Sqarim: Për nder të festivalit “I këndojmë lirisë”,nga sektori i sportit janë organizuar aktivitete sportive në futboll dhe volejboll. Këto gara kanë sistem eliminimi që kanë filluar nga 30.05.2010 dhe do të vazhdojnë deri me 06.06.2010. Ndërsa finalja do të jetë me 07.06.2010 në ora 16:00.
