Kryetari i komunës Sokol Bashota dhe ministri për Kthim Radojica Tomic, kanë bërë dorëzimin e çelësave të 15 shtëpive në fshatin Drenovc . Gjate vizitës se ministrit për Kthim Radojica Tomic në komunën e Klinës kryetari i komunës Sokol Bashota është shprehur se në komunën e Klinës sa i përket gjendjes së sigurisë është e qet dhe stabile, duke e falënderuar Policin e Kosovës që në mënyrë profesionale po e kryejnë punën e tyre. Sot e kemi edhe një ngjarje të veçantë, në fshatin Drenovc, do të dorëzohen çelësat për 15 shtëpi , 12 janë për komunitetin serb, ndërsa 3 për komunitetin pritës ka thënë Bashota.
Ministri për Komunitete dhe Kthim Radojica Tomic gjatë vizitës se tij në komunën e Klinës është shprehur se : Falënderoj kryetarin e komunës Sokol Bashota për kontributin e dhënë në procesin e kthimit . Tashme të gjithë e dimë se Klina është shembulli me i mirë në Kosovë sa i përket procesit të kthimit. Sot jemi këtu për projekte të reja dhe të tregojmë se bashkëpunimi në mes komunës së Klinës dhe ministrisë për Kthim është shumë i mirë ka thënë Tomic.
Shefi i zyrës për kthim në komunën e Klinës Millorad Sharkoviq është shprehur se : Duke e falënderuar kryetarin e komunës Sokol Bashoten dhe ministrin për Kthim ka thënë se ne fshatin Drenovc është bërë një punë e madhe.
