Ministri i Kulturës, Rinisë dhe Sportit, Kujtim Gashi i shoqëruar nga Ambasadori Francës në Kosovë, Didier Chabert, Zv.Shefi i Misionit të ambasadës së Amerikës Meil , si dhe Zv. Udhëheqësi i Zyrës së Këshillit të Evropës, Murada, sot kanë vizituar Komunën e Klinës të cilët u pritën nga i pari i Komunës Prof. Dr. Zenun Elezaj dhe drejtori i Kulturës, Rinisë dhe Sportit, Skender Mërturi.
Kjo vizitë është bërë me rastin e shënimit të aktivitetit “ Ditët e Trashëgimisë Kulturore Evropiane si dhe Vitit Evropian të Trashëgimisë Kulturore. Ky aktivitet synon të thellojë lidhjen në mes njerëzve dhe trashëgimisë si dhe të krijojë kulturën e angazhimit publik në mbrojtjen e trashëgimisë kulturore.
Në kudër të kësaj vizite Ministri Gashi i shoqëruar nga Kryetari Elezaj kanë vizituar së bashku fshatin Dresnikë të Komunës së Klinës, për të parë nga afër gërmimet arkeologjike që po bëhen në këtë lokalitet. Dresniku është fshat i vjetër dhe në të ka shumë gjetje arkeologjike, njëherësh është një prej lokaliteteve shumë të rëndësishme të trashëgimisë kulturore.
Gjatë kësaj vizite Ministri Gashi u shpreh se: Të gjitha këto gjetje janë shumë të rëndësishme që ky lokalitet në të ardhmen të këtë prioritet për ne dhe duhet të angazhohemi që ky lokalitet të bëhët pikë turistike në kuadër të zhvillimit të turizmit.
Ndërsa Elezaj theksoi se : Ndjehem shumë i lumtur që Dresniku është përzgjedhur si lokalitet që të mbahen “ Ditët e Trashëgimisë Kulturore të Evropës”. Falënderojmë shumë Ministrinë e Kulturës si dhe Institutin e Trashëgimisë Kulturore të cilët kanë bërë një punë të madhe me zbulimet në këtë fshat. Ne do ta bëjmë të pamundurën që ta mbrojmë këtë pjesë të rëndësishme të vendit.
