Kompania shqiptare “Dekor” dhe “BFB”d.o.o. nga Sllovenia ka paraparë investim mbi 300 milion euro, ku parashihet punësimi i 300-500 personave, në Komunën e Klinës.
Kryetari i Komunës së Klinës, z. Sokol Bashota , sot ka pritur për vizitë delegacionin e kompanisë shqiptaro-sllovene, e cila ka shprehur interesim për ndërtimin e Fabrikës së çimentos në Komunën e Klinës. Gjatë këtij takim delegacion shqiptaro-slloven ka thënë se :Qëllimi i vizitës sonë , është për të biseduar rreth mundësisë të ndërtimit të Fabrikës së çimentos në komunën e Klinës.
Kryetari Bashota i ka falënderuar përfaqësuesit e delegacioni shqiptaro-slloven ,“Dekor” dhe “BFB”d.o.o. për interesimin e tyre,për të investuar në komunën e Klinës , dhe i ka njoftuar në përgjithësi për mineralet që i ka Klina. Bashota ka thënë se:Kosova tani më e ka kaluar krizën, prandaj tani kemi nevojë për partneritet. Komuna e Klinës, i mirëpret të gjitha ato kompani serioze që i plotësojnë kriteret, gjithmonë duke e zbatuar ligjin në fuqi të Republikës së Kosovës, të cilat ligje mbulojnë këtë natyrë të investimeve dhe që ndikojnë në rritjen e punësimit të qytetarëve në komunën tonë.
