Bordi i AZHR-Perëndim
Në takimin e 26-të të rregullt të Bordit Qeverisës të AZHR-Perëndim, të mbajtur më 24 qershor 2015, kryesimin e Bordit Qeverisës , sipas Rregullores me mandat njëvjeçar e mori z. Sokol Bashota-Kryetar i Komunës së Klinës.
Si pjesë e rrjetit ARDA, AZHR (Agjensioni Zhvillimor Rajonal) Perëndim, është themeluar nga gjashtë Komunat Perëndimore të Republikës së Kosovës: Peja, Gjakova, Klina, Istogu, Deçani dhe Juniku.
AZHR Perëndim, prej themelimit e deri më sot ka funksionuar dhe ka qenë e angazhuar në procesin e përcaktimit të prioriteteve zhvillimore ekonomike të rajonit. Ky Agjension funksionon sipas marrëveshjes ndër komunale dhe udhëhiqet nga Bordi udhëheqës, i cili përbëhet nga Kryetarët e gjashtë Komunave. Në krye të Bordit zgjidhet Kryesuesi me mandat njëvjeçar dhe me këtë rast këtë mandat do ta kryejë z. Sokol Bashota, kryetar i Komunës së Klinës.
Kryetari Bashota u zotua se detyrat dhe obligimet që dalin nga ky bord do t’i kryeje me përgjegjësinë më të madhe dhe se do të bashkëpunojë ngushtë me anëtarët e bordit dhe faktorët e tjerë relevant për projekte të cilat do të ndikojnë pozitivisht në përmirësimin e jetës së qytetarëve në rajon.
