Kryetari i Komunës së Klinës, Prof. Dr. Zenun Elezaj, bashkë me nënkryetaren, znj. Marqe Tanushi Selmanaj, si dhe drejtorin e Arsimit, z. Qemajl Sejdija, kanë pritur në takim ambasadoren, znj. Nancy Soderberg, drejtoreshë e lartë në NDI Kosovë.
Gjatë takimit, kryetari Elezaj e informoi ambasadoren Soderberg lidhur me zhvillimet e fundit në Klinë, investimet kapitale si dhe projektet e tjera në fusha të ndryshme.
Qëllimi i vizitës së ambasadores ishte mbajtja e debatit mbi politikat, ku zyrtarët lokalë, përfaqësuesit e shoqërisë civile dhe pjesëmarrësit e tjerë patën mundësinë të thellohen në çështjen e politikave arsimore dhe ndikimin e tyre tek fëmijët, gratë dhe komunitetet joshumicë.
