Ditën e shtune për herë të dytë, në Klinë u zhvillua Manifestimi Kulturor “ZËRI I VËLLAZËRISË”. Ditën e shtune për herë të dytë, në Klinë u zhvillua Manifestimi Kulturor “ZËRI I VËLLAZËRISË”, në organizim tëShoqatës së vëllazërisë Kosovë-Malësi "Martin Dresha" Pejë, si dhe të Drejtorisë Komunale për Kulturë, Rini e Sport të Klinës, Klubit të Shkrimtarëve "Vora Ujko" në Klinë. Pjesë e këtij manifestimi ishte dhe Shoqata atdhetare "Dukagjini" e Shkodrës.
Ndërkaq, bukuri të veçantë manifestimit i dhanë grupet e valleve "Shqiponjat e Dukgjinit" nga Gjakova, grupi i valleve nga Malësia (Plavë e Guci) dhe ai nga Medevegja. U vunë kurora lulesh e u bënë homazhe tek dy sheshet e Klinës: te sheshi "Mujë Krasniqi" dhe te sheshi "Nëna Tereze". Në vazhdim u zhvillua Ora Letrare e quajtur "Takim i penave nga trojet etnike" e ku morën pjesë krijues nga Shkodra, Malësia e Madhe, Malisheva, Peja, Prizreni, Istogu dhe Klina. Me një dokumentar të realizuar me mjaft frymëzim, u shfaqën dokumentarë me tekste e recitime kushtuar poetëve Martin Camaj, Azem Shkreli, Ali Podrimja dhe Vinçenc Malaj, realizuar nga Aleks Dushi e me recitime të artistëve shkodranë. Me këtë rast, u mbajtën fjalë përshëndetëse, u dhanë mirënjohje e forma tjera të nderimeve.
