Kuvendi Komunal i Klinës mbajti seancën e parë të rregullt të punës për vitin 2025.
Seancën e udhëhoqi kryesuesi i Kuvendit, z. Fadil Gashi, dhe të pranishëm ishin kryetari i Komunës së Klinës, Prof.Dr. Zenun Elezaj, nënkryetarja e komunës, Marqe Tanushi-Selmanaj, drejtorë të drejtorive, anëtarë të Kuvendit, përfaqësues të OSBE-së, përfaqësues të Policisë së Kosovës, media dhe qytetarë.
Kryesuesi Gashi, hapi punimet e kësaj seance me këtë rend dite:
1. Arsyetimi i mungesave,
2. Shqyrtimi dhe miratimi i procesverbalit nga mbledhja e kaluar,
3. Pyetje dhe përgjigje,
4. Shqyrtimi dhe miratimi i Rekomandimeve të Komitetit për Politikë dhe Financa,
5. Shqyrtimi dhe miratimi i propozim-vendimit për bartje të mjeteve nga të hyrat vetanake nga viti 2024 (ref.drejt.fin),
6. Shqyrtimi dhe miratimi i propozim-vendimit për ndryshim-plotësim të vendimit 01Nr.06-31721/2020 për pagesën e shujtave për të punësuarit në administratën e Komunës së Klinës ( ref. nga Ekz.),
7. Shqyrtimi i raportit të menaxhimit financiar janar-dhjetor 2024 (ref. nga Ekz.),
8. Shqyrtimi i raportit nga procesi i organizimit të konsultimit publik për Draft-Planin Lokal të Veprimit në Mjedis 2025-2030 (ref. nga grupi punues),
9. Shqyrtimi dhe miratimi i Draft-Planit Lokal të Veprimit në Mjedis 2025-2030 (ref. nga DUMM),
10. Shqyrtimi i procesverbalit nga mbledhja e dytë për vitin 2024, e mbajtur me qytetarë nga kryetari i komunës,
11. Shqyrtimi dhe miratimi i propozim-vendimit për shtim të buxhetit me participim lidhur me projektin për shpërndarjen e mekanizmave bujqësorë Motokultivatorë me Frezë (ref. nga drejt.Bujqësisë),
12. Shqyrtimi i raportit të punës së KKSB-së për vitin 2024 (ref. nga EKZ),
13. Shqyrtimi i raportit të komisionit për zgjedhjen e Këshillave Lokal.
Të gjitha pikat e rendit të ditës janë miratuar me shumicë votash nga anëtarët e Kuvendit.
