Kuvendi Komunal i Klinës mbajti sot seancën e pestë të rregullt të punës për vitin 2024, e udhëhequr nga kryesuesi, z. Fadil Gashi.
Në këtë seancë morën pjesë Kryetari i Komunës së Klinës, Prof. Dr. Zenun Elezaj, nënkryetarja e komunës, znj. Marqe Tanushi-Selmanaj, drejtorë të drejtorive komunale, anëtarë të Kuvendit, përfaqësues të OSBE-së, media dhe qytetarë.
Punimet e seancës filluan me arsyetimin e mungesave dhe vazhduan sipas rendit të ditës, ku u shqyrtuan dhe miratuan dhjetë pika kyçe që përfshinin:
Shqyrtimin dhe miratimin e procesverbalit nga mbledhja e kaluar;
Shqyrtimin dhe miratimin e rekomandimeve të Komitetit për Politikë dhe Financa;
Shqyrtimin dhe miratimin e propozim-vendimit për ndarjen e mjeteve financiare sipas kërkesës me nr. prot. 01351-9953/25 (referuar nga EKZ);
Shqyrtimin dhe miratimin e propozim-vendimit për zëvendësimin e anëtarit të KKSB-së (referuar nga EKZ);
Rishqyrtimin e rregullores për taksa, tarifa dhe ngarkesa komunale në Komunën e Klinës me nr. prot. 01Nr06-8445/2025 (referuar nga EKZ);
Rishqyrtimin e vendimit për miratimin e propozimit të Drejtorisë së Shëndetësisë për ndërrimin e titullarit të pronës me nr. prot. 01Nr06-8447/2025 (referuar nga EKZ);
Rishqyrtimin e Planit Lokal të Veprimit në Mjedis 2025-2029 me nr. prot. 01Nr06-8438/2025 (referuar nga DUMM);
Diskutimin për mënyrën e funksionimit të gurorëve që operojnë në territorin e Komunës së Klinës (referuar nga EKZ);
Pyetje dhe përgjigje.
Të gjitha pikat e rendit të ditës janë miratuar me shumicë votash nga anëtarët e Kuvendit.
