Kryetari i Komunës së Klinës, Zenun Elezaj, i shoqëruar nga drejtori I Drejtorisë për Urbanizëm, z. Lorenc Marleku, nga faër kanë vizituar rrjedhat e punimeve që po zhvillohen në disa projekte në këtë komunë. Për t’u njoftuar nga afër kryetari Elezaj në fshatin Pograxhë të kësaj komune, përcolli asfaltimin e segmentit të rrugës, e cila është duke u asfaltuar.
Rruga ka një gjatësi prej 2.200 metra, ndërsa realizimi i këtij projekti do të kushtojë 99.683,500 euro. Punimet është duke i kryer “Benita Kompany”, ndërkaq pritet që të përfundojnë brenda afatit optimal, përkatësisht sipas marrëveshjes së nënshkruar.
Po ashtu kryetari Elezaj, po të njëjtën ditë i inspektoi edhe punimet qe po bëhen në rregullimin e kanalizimit në fshatin Zllakuqan, që përfshin lagjen më të madhe të këtij fshati, lagjen Pataqan, po ashtu edhe një pjesë të konsiderueshme të këtij fshati.
Ky investim që kap shifrën prej 58.255,84 euro, mjete të siguruara nga buxheti i Komunës së Klinës. Edhe ky projekt punimet e të cilit është duke i kryer kompania “Alti Com” nga Klina, pritet që t’i kryejë në afatin e paraparë.
Kryetari Elezaj nga inspektimi që iu ka bërë zhvillimeve të këtyre punimeve është ndarë i kënaqur me punimet që janë duke u kryer në këto dy projekte.
Në ditët në vijim, kryetari Elezaj, do t’i inspektojë edhe ecuritë e punimeve të projekteve të tjera që janë duke u zhvilluar nëpër lokalitetet e komunës së Klinës.
