Kryetari i komunës së Klinës, Zenun Elezaj, ka pritur sot në takim presidenten e Republikës së Kosovës, Sh. S. Vjosa Osmani.
Në takimin e zhvilluar, kryetari Elezaj e informoi presidenten Osmani për projektet që po realizohen në komunë, për sfidat që përballet qeverisja jonë lokale dhe për nevojat për investime në projekte të ndryshme infrastrukturore që do të ndikonin në zhvillimin ekonomik dhe turistik të Klinës, si ndërtimi i transitit nga udhëkryqi Klinë-Pejë-Gjakovë deri në rrugën që lidh Klinën me komunën e Skenderajt dhe të Istogut, investime në përmirësimin e furnizimit me ujë të pijshëm për qytetarët e Klinës, ndërtimi i impiantit për trajtimin e ujërave të zeza në Klinë, rregullimi i shtretërve të lumenjve. Po ashtu, u diskutuan edhe tema të tjera me interes për qytetarët.
Presidentja Osmani e falënderoi kryetarin Elezaj për pritjen dhe theksoi se do të angazhohet që t’i shtyjë përpara kërkesat e parashtruara.
Pas takimit, kryetari Elezaj dhe presidentja Osmani vizituan edhe Famullinë e Zllakuqanit, bizneset “Elava”, “Vesbaby”, fidanishten “Duhani”, “Grembeer” dhe u takuan me OJQ “Ardhmëria”.
