Kryetari i Komunës së Klinës, Prof. Dr. Zenun Elezaj, i shoqëruar nga nënkryetarja Marqe Tanushi-Selmanaj, kanë pritur në vizitë Komandantin e KFOR-it nga Komanda Rajonale Perëndim, Kolonel Francesco Errico.
Kryetari Elezaj e uroi Kolonelin Errico për marrjen e detyrës së re, duke e siguruar atë për gatishmërinë e komunës për të bashkëpunuar në shumë çështje. Ai theksoi se komuna e Klinës ka pasur gjithmonë një bashkëpunim të ngushtë me KFOR-in dhe se ky partneritet do të vazhdojë në të mirë të qytetarëve.
Koloneli Errico, nga ana e tij, shprehu mirënjohjen për pritjen dhe konfirmoi angazhimin e KFOR-it për të mbështetur institucionet lokale dhe për të kontribuar në sigurinë dhe paqen në komunën e Klinës si dhe fusha të tjera.
Në përfundim të takimit, të dy palët i dhuruan njëri-tjetrit nga një dhuratë simbiolike për të shprehur mirënjohejn e ndërsjelltë.
