Kryetari i Komunës së Klinës Prof. Dr. Zenun Elezaj së bashku me Drejtorin e Financave Aziz Desku, Drejtorin e Administratës, Binak Syla dhe Drejtorin e Urbanizmit , Lorenc Marleku kanë vizituar sot fshatin Sferkë dhe janë takuar me banorët e këtij fshati më të cilët kanë diskutuar rreth problemeve infrastrukturore me të cilat ata janë duke përballur.
Qëllimi i kësaj vizite ishte diskutimi rreth “Kornizës Afatmesme Buxhetore 2019-21”.
Kryetari Elezaj gjatë takimit me këta banorë u shpreh se me anë të bashkëpunimit dhe mirëkuptimit të ndërsjelltë do të bëjë më të mirën për qytetarët e Klinës, përkatësisht për banorët e fshtatit Sferkë. Elezaj gjithashtu shtoi se do të merren parasysh shqetësimet dhe kërkesat e banorëve, duke shikuar edhe mundësitë financiare të Komunës së Klinës.
