Në zyrën e tij, kryetari i Komunës së Klinës, Prof. Dr. Zenun Elezaj, priti rektorin e Universitetit të Prishtinës, Prof. Dr. Marjan Demën.
Kryetari Elezaj, njoftoi rektorin Demaj rreth rrjedhave të qeverisjes lokale të Komunës së Klinës dhe përpjekjet, të cilat është duke i bërë ekzekutivi i Klinës në aspektin e zhvillimit të kësaj komune në shumë segmente të jetës. Kryetari Elezaj i prezantoi profesor Demës për shumë veprimtari që janë kryer në këtë komunë për kohën sa është në krye qeverisjes komunale, duke u fokusuar kryesisht ne disa të arritura në infrastrukturën rrugore, ujësjellës, kanalizime, shëndetësi, arsim etj.
Po ashtu, edhe Demaj, njoftoi kryetarin Elezaj për zhvillimet dhe të arriturat që janë duke u zhvilluar në Universitetin e Prishtinës, me kahet pozitive dhe prioritetet që Universiteti i Prishtinës ka marrë për një arsim edhe më cilësor në ngarendje për të synuar trended e standardizuara të një arsimit bashkëkohor të nivelit europian.
Edhe kryetari Elezaj, edhe rektori Demaj, premtuan për një bashkëpunim të vazhdueshëm në mes Komunës së Klinës dhe Universitetit të Prishtinës, sidomos në fushën e arsimit dhe të edukimit.
