Kreu i Komunës së Klinës, Prof. Dr. Zenun Elezaj, sonte në orët e mbrëmjes vizitoi Qendrën Kryesore të Mjekësisë Familjare “Nënë Tereza” në Klinë, ku u prit nga drejtori i Shëndetësisë dhe Mirëqenies Sociale, Hekuran Sejdiu.
Gjatë kësaj vizite, Elezaj është njoftuar nga afër me gjendjen e QKMF-së, funksionalizimin e kujdestarisë së natës, mbi shërbimet e emergjencës dhe është informuar lidhur me problemet me të cilat po përballet ky institucion shëndetësor.
Elezaj me rastin e kësaj vizite theksoi se shëndetësia mbetet prioritet i qeverisjes komunale dhe siguroi që këto institucione shumë shpejtë do të kenë rritje të stafit profesional dhe furnizim me barna e materiale të tjera, në mënyrë që qytetarëve të iu ofrohet shërbim i shpejtë dhe efikas.
