Kryetari i Komunës së Klinës, Zenun Elezaj dhe drejtori i Drejtorisë për Urbanizëm dhe Mbrojtjes së Mjedisit, Lorenc Marleku, në vazhdën e vizitave të vazhdueshme që i zhvillojnë nëpër fshatrat dhe lokalitetet të Komunës së Klinës, me qëllim të njohjes nga afër me preokupimet dhe prioritetet e këtyre fshatrave, sot u gjenden mes banorëve të fshatit Budisalc.
Gjatë kësaj vizite, kryetari Elezaj dhe drejtori Marleku, u takuan edhe me Kryesinë e këtij fshati, një takim shumë i frytshëm dhe tepër i rëndësishëm.
Kryesia e këtij fshati njoftoi kreun e Komunës për disa vështirësi me të cilat po përballen banorët e këtij fshati. Ata potencuan nevojën e shtrirjes së rrjetit të ujësjellësit në këtë fshat, pasi që kjo popullatë ka vështirësi në sigurimin e ujët të pijshëm, pastaj shtruan domosdoshmërinë e rregullimit të tri rrugëve lokale të këtij fshati etj.
Kryetari Elezaj iu zotua Kryesisë së këtij fshati se gjatë këtij viti me rishikimin e buxhetit një nga këto projekte prioritare që kanë banorët e këtij fshati do të realizohet.
Banorët e fshatit Budisalc falënderuan kryetarin e Elezaj për interesimin e tij në ngritjen e mirëqenies të banorëve të këtij fshati dhe më gjerë.
