Kryetari i Komunës së Klinës, Prof. Dr. Zenun Elezaj, ka mbajtur takim me publikun, në sallën e Kuvendit, ku ka prezantuar para të pranishmëve rrjedhat e qeverisjes, të arriturat, vështirësitë, synimet, si dhe investimet kapitale në Komunën e Klinës, në gjashtëmujorin e parë të vitit 2023.
Kryetari Elezaj, informoi të pranishmit për projektet që aktualisht janë duke u zhvilluar në terren, vështirësitë e paraqitura në implementimin e disa projekteve si dhe aktiviteteve që synohen në një të ardhme të afërt.
“Gjatë kësaj periudhe kohore, kemi planifikuar projekte në secilën fushë, kemi rritur investimet në fushën e arsimit, ku janë rinovuar shumë shkolla, si dhe është bërë dyfishimi i numrit të bursave për studentët të Klinës, kemi investime të bëra në sektorin e shëndetësisë e veçanërisht tek projektet kapitale me asfaltim të rrugëve, zgjerim të rrjetit të ndriçimit publik, zgjerim i rrjetit të kanalizimit, etj.
Mbesim të angazhuar maksimalisht, drejtë jetësimit të prioriteteve të tjera të qeverisjes.” – ka thënë Elezaj gjatë këtij takimi.
