Kryetari i Komunës së Klinës, Zenun Elezaj, sot ka mbajtur takimin e parë me drejtorët komunal dhe nënkryetarin e Komunës, Besim Hoti, ku është biseduar për angazhimet dhe punën e ekzekutivit në secilin dikaster ku ata janë emëruar. Kryetari, Elezaj, kërkoi angazhim maksimal nga të gjithë drejtorët në realizimin e detyrave të tyre për të qenë sa më efikas në ofrimin e shërbimeve për qytetarët.
Drejtorët komunal, janë zotuar se do të angazhohen maksimalisht në kryerjen e përgjegjësive të tyre dhe do të jenë në shërbim të qytetarëve.
Nga takimi i parë i Këshillit të Drejtorëve është përcjellë edhe urimi për vitin e ri për të gjithë qytetarët, për një jetë edhe më të mirë në vitin 2018.
