Kryetari i Komunës së Klinës, Prof. Dr. Zenun Elezaj i shoqëruar me bashkëpunëtorë ka inspektuar fillimin e punimeve për asfaltimin e rrugës në lagjen Dragaj të fshatit Klinafc. Kjo rrugë do të përmirësojë kushtet për lëvizje më të lehtë banorëve të këtij fshati. Punëkryesi i këtyre punimeve është “O. E Alticom” në bashkëpunim me kompaninë “DREONI”, nga Klina në afat prej 30 ditë pune sipas planit dinamik të punimeve. Ky projekt kap vlerën rreth 18.027.55 euro.
Me këtë rast Elezaj është pritur edhe nga banorët e këtij fshati të cilët e falënderuan atë për këto projekte infrastrukturore të cilat ndikojnë pozitivisht në të mirën të vendit.
