Zyrtarisht kanë filluar punimet e ndërtimin e kopshtit të ri për fëmijë në qytetin e Klinës i cili do të kushton mbi 300 mijë euro. Objekti i ri do të ndërtohet në hapësirat ku ka qenë çerdhja e vjetër e cila ka pasur kapacitet për 50 fëmijë ndërsa e reja që pritet të përfundoj deri në fund të këtij viti do të ketë vend për 100 fëmijë. Objekti ri do të ketë 750 metra katrorë, do të ketë dhe kënd të lojërave dhe gjitha mjetet tjera ndihmëse dhe bashkëfinancohet nga Komuna e Klinës dhe Organizata Save The Children International. Në ceremoninë e vënies së gurthemelit të projektit për kopshtin e ri( çerdhen) , në komunën e Klinës, kryetari z. Sokol Bashota, ka thënë se : Sot është një rast i veçante për Komunën e Klinës, ngase po vëmë gurthemelin për ndërtimin e një çerdhe të re. Deri tash objekti nuk ka qenë në gjendje të mirë, ndërsa me ndërtimin e çerdhes së re do të rritet kapaciteti i fëmijëve që do të vijnë këtu dhe gjithsesi do të ketë kushte me të mira dhe të favorshme jo vetëm për fëmijët por edhe për edukatorët. Bashota falënderoi Organizatën Save The Children, e cila falë bashkëpunimit që kemi me ta do të jetë donatori kryesor ku do të investoj 193 mijë euro, ndërsa pjesën tjetër do të partecipoi Komuna. Brenda këtij viti besojmë se objekti i ri do të jetë i gatshëm dhe tani fëmijët që do të regjistrohen në ketë çerdhe do të kenë kushte shume me të mira. Komunës së Klinës i ka munguar një objekt i tille dhe me kapacitetet e reja do ti mbulojmë nevojat e kësaj komune, u 100% , do të rriten kapacitetet në çerdhen e re me standarde evropiane.
Ahmet Kryeziu, drejtor i Organizatës Save The Children, duke falënderuar kryetarin Bashota për bashkëpunim, shprehu kënaqësinë që gjendet në ketë ceremoni dhe tha se deri në fund të këtij viti Klina do ta ketë një kopsht të ri për fëmijë sipas standardeve evropiane. Kapacitetet e kësaj çerdhe do ti plotësojnë nevojat e Klinës. Ne si organizatë nuk do të jemi këtu vetëm për ndërtimin e këtij kopshti ngase puna jonë e madhe fillon pas ndërtimit ku do të punojmë në ngritjen e kualitetit të shërbimeve, tha Kryeziu i cili premtoi investime në ngritjen e kapaciteteve të edukatorëve dhe do të promovojmë metodologjinë me të avancuara evropiane.
Drejtori i Arsimit në komunën e Klinës, Hajdin Morina, falënderoi akterët kryesor në ndërtimin e këtij objekti shumë të rëndësishëm për komunën. Rëndësia e këtij objekti nuk është vetëm në kujdesin dhe strehimin e fëmijëve por edhe në ngritjen e avancimin e kapaciteteve të tyre, tha Morina.
