Një shkrim tendencioz, shantazhues dhe i paargumentuar
(Përkitazi me shkrimin, Sokol Bashota, shet Mercedesin e Komunës për 357 euro, të botuar në faqen online të gazetës së përditshme “Zëri”, të datës 12.02.2015) Për hir të realitetit objektiv jemi të obliguar që të reagojmë rreth shkrimit të botuar në portalin e të përditshmes “Zëri” dhe të disa portaleve të tjera të marrë po nga ky medium elektronik, të datës 12 shkurt 2015, në orën 16:02, të titulluar: Sokol Bashota, shet Mercedesin e Komunës për 357 euro. Artikullshkruesi në vend që të bazohet në fakte dhe argument, ai shërbehet në dezinformata dhe të pavërteta aq edhe tendencioze, që nuk përkojnë etikën e mirëfilltë gazetareske.
Artikullshkruesi shkrimin e fillon me konstatimin: Komuna e Klinës,e cila drejtohet nga Sokol Bashota, para pak ditësh përmes një ankandi ka shitur 21 automjete me çmime qesharake. Në dokument që posedon gazeta “Zëri” shihet qartë se komuna ka shitur një veturë Mercedes për 357 euro. Po ashtu, komuna ka shitur një Golf 3 për 252 euro, një Opel Vectra 132 euro etj.
Prandaj, me qëllim të informimit të drejtë po japim këto fakte:
Këto vetuar janë të konfiskuara nga policia dhe nuk janë të përdorshme dhe shitën për hekurishte. Në bazë të asaj evidence që e kemi që janë marrë nga policia e Kosovës në Klinë, Komuna këto vetura i ka qitur në ankand publik për shitjen e tyre. Ankandi ka qenë publik për shitjen e automjeteve të konfiskuara dhe autoriteti kontraktues që ka për qëllim që personat juridikë – fizikë, të cilët janë të interesuar për blerjen e automjeteve të papërdorura të dorëzojnë ofertat e tyre për sasinë dhe asortimentin e evidentuar në tabelën e poshtëshënuar.
Prandaj, e përsërisim edhe një herë, që këto automjete kanë qenë të konfiskuara nga policia, për kohë të gjatë kanë qëndruar në hapësirat e kompanisë “Morina – Automobile”, kështu që pronarët nuk kanë qetë të interesuar që t’i marrin veturat e tyre.
Në bazë të vlerësimit që është bërë nga komisioni i Komunës këto vetura janë përcaktuar që të vihen në ankand publik. Kriteret për vlerësimin e ofertave që është kërkuar ka qenë çmimi më i lartë i ofruar. Prandaj këto vetura janë shitur sipas kritereve të përcaktuara në ankandin publik, gjithashtu edhe sipas çmimit të tregut. Veturat nuk janë prona të Komunës, por janë vetura të papërdorura që kanë mbetur në kompani që as qytetarët që ka qenë pronarë të tyre nuk ka qenë i interesuar për t’i marrë këto vetura si pronë të tyre, prandaj Komuna ka pasur për obligim që këto vetura t’i vejë në ankand publik për shitjen e tyre. Në këtë rast janë shitur 21 vetura të markave të ndryshme.
Autori i shkrimit është dashur ta ketë të qartë faktin se në njoftimin e dhënies së kontratës sqarohet shumë qartë dhe po ashtu, shumë qartë shkruan: ANKAND PUBLIK – SHITJE E AUTOMJETEVE TË KONFISKUARA. Megjithatë, ishin këto vetëm disa fakte të cilat konsiderojmë që janë të nevojshme t’ia prezantojmë opinionit të vërtetën për atë që është thënë në artikullin në fjalë.
Lexuesit e nderuar të “Zërit” le të gjykojnë, por assesi nuk është i dobishëm keqpërdorimi i faqeve të kësaj gazete.
KOMUNA E KLINËS
ZYRA E KRYETARIT TË KOMUNËS SË KLINËS
KLINË, 13.02.2015
