Komuna e Klinës në gjendje gatishmërie për qytetaret e saj

Moti i lig me të reshura të borës kanë shkaktuar vështirësi të mëdha në lëvizjet e qarkullimit rrugor . Si pasoj e vështirësive komuna e Klinës përkatësisht drejtoria për Arsim, ka njoftuar për ndërprerje të procesit mësimor deri me 13 shkurt.

Gjatë një  konference  për shtyp nga drejtori i drejtorisë për Shërbime Emergjente Esat Raci ka thënë se: edhe pse ditëve të fundit të reshura e borës ka vështirësuar qarkullimin rrugor, në komunën e Klinës të gjitha rrugët  janë të kalueshme.. Edhe pse komuna e Klinës nuk e ka shpallur gjendjen e jashtëzakonshme ,në gjendje gatishmëri gjatë këtyre ditëve të fundit kanë qenë edhe drejtoria e Inspektoratit, drejtoria e Shëndetësisë si dhe drejtoria për Shërbime Emergjente. Kompania e kontraktuar “ Vemor” vazhdimisht i është përgjigjur nevojave për pastrimin e rrugëve ku gjendja më e rënde  ka qenë në fshatrat Stup, Potërq si dhe Shtupel , vështirësi kemi pasur në fshatin Kerrnicë , ku lartësia e borës ka arritur deri në dy metra, ndërsa sa i përket  kërkesave  për hapje të rrugëve kemi pasur vazhdimisht ku jemi përgjigjur duke i falënderuar edhe kompanitë private si “AIM” dhe Mirusha të cilat kanë bërë pastrimin e rrugëve të qytetit në bazë vullnetare. Sa i përket qytetit të Klinës , sot që nga ora shtatë  e mëngjesit njësiti i Zjarrëfiksave ka bërë pastrimin e trotuareve të qytetit për t’iu lehtësuar qytetareve lëvizjen . Drejtori i Shërbimeve Emergjente Esat Raci gjatë këtyre ditëve vëzhgimin e situatës e ka bërë gjatë gjithë kohës së bashku me kompaninë në teren. Njëherë Raci ka thënë: apelojmë te qytetaret se në raste urgjente mund të njoftojnë shërbimet komunale dhe ndihma do t’iu ofrohet si në pastrimin e rrugëve po ashtu edhe në rastet emergjente shëndetësore .