Mesazh urimi nga kryetari i komunës së Klinës, Prof. Dr. Zenun Elezaj;
“Qytetarë të dashur,
Shumë të respektuara familje të dëshmorëve, invalidëve e veteranëve të luftës,
Tashmë kur po numërojmë orët e fundit të vitit, reflektojmë edhe për sfidat e sukseset që kemi pasur gjatë kësaj periudhe.
Viti që po lëmë pas ishte me shumë suksese e projekte të realizuara për qytetin e Klinës e në dobi të qytetarëve. Jam krenar që komuna e Klinës gjatë këtij viti ëshë renditur ndër komunat më transparente e llogaridhënëse në nivel vendi, e vlerësuar nga institucione e OJQ kredibile. Si rezultat i kësaj pune profesionale e me përkushtim jemi përfitues edhe të Grantit të Përfomancës Komunale, mjete buxhetore me të cilat do t`i financojmë disa projekte të rëndësishme në vitin e ardhshëm.
Shfrytëzoj rastin t’i falënderoj të gjithë bashkëpunëtorët dhe stafin e komunës për punën e madhe dhe angazhimin gjatë këtij viti.
Në këtë natë të ndërrimit të moteve është e pamundur që mos t`i kujtoj luftëtarët e lirisë, dëshmorët e martirët e kombit, falë sakrificës të të cilëve ne sot festojmë të lirë.
Me shpresën që 2025-ta të jetë vit i mbarë, i begatshëm e i suksesshëm për të gjithë ne, në emrin tim, të familjes time dhe të komunës së Klinës, ju shpreh urimet më të përzemërta!
Shëndet, begati e çdo të mirë!
GËZUAR!”
