Gjatë takimi të nënkryetarit të komunës , z. Enver Berisha me përfaqësues të OSBE-së, është biseduar për projektin “ Matja e Sundimit të Ligjit në Administratën Publike në Komunat e Kosovës”.
Si pjese e proceseve të vazhdueshme reformuese në decentralizim dhe qeverisje lokale në Kosovë, projekti synon sigurimin e mbështetjes për forcimin dhe integrimin e parimeve të sundimit të ligjit në ofrimin e shërbimeve publike në nivel komunal, veçanërisht në sektorin e strehimit social.
Projekti do të përfshij katër komuna, dhe të gjitha komunat janë të ftuara që të aplikojnë, komunat pjesëmarrëse do të jenë në gjendje të angazhohen në aktivitete të organizuara nga FBA, UNDP apo misioni i OSBE-së në Kosovë, si shkëmbime e përvojave me koleg mes komunave, vizita studimore në vendet fqinje, apo punëtori mbi sundimin e ligjit në administratën publike.
Nënkryetari i komunës së Klinës, z. Enver Berisha ka thënë se komuna e Klinës është e gatshme që të aplikojë në këtë projekt.
