Kuvendi i komunës së Klinës në seancën e jashtëzakonshme të mbajtur sot , unanimisht ka shpallur qytetar nderi kryetarin e bashkisë së Vlorës- Shpëtim Gjikën.
Kuvendi i komunës së Klinës në seancën e jashtëzakonshme të mbajtur sot , unanimisht ka shpallur qytetar nderi kryetarin e bashkisë së Vlorës- Shpëtim Gjikën. Kjo kërkesë ka ardhur nga anëtaret e Kuvendit ku kanë kërkuar që të mbahet seanca e jashtëzakonshme .
Kryesuesi i Kuvendit Fadil Gashi është shprehur se : Me kërkesën tuaj po mbahet kjo seancë e jashtëzakonshme dhe rendi i ditës është ashtu siç keni kërkuar :
-Shpallja qytetar nderi i komunës së Klinës , z. Shpëtim Gjika kryetar i bashkisë së Vlorës.
-Shpallja qytetar nderi i komunës së Klinës, z. Gjon Frroku rapsod nga Lezha , i cili në komunën e Klinës ka kontribuar mjaft në lëmin e Kulturës.
-Marrja e vendimit për lejimin e udhëtimit në Shqipëri qytetin e Vlorës, të të gjithë anëtareve të Kuvendit të Komunës me rastin e 100 vjetorit të Pavarësisë së Shqipërisë.
Seanca vazhdoi me propozim të anëtarit Pjetër Coli për shpalljen qytetar nderi i komunës së Klinës z. Shpetim Gjika, ku ky propozim është përkrahur nga të gjithë anëtaret e Kuvendit dhe me të gjitha votat pro , z. Shpetim Gjika është shpallur qytetar nderi i komunës së Klinës. Po ashtu edhe rapsodi Gjon Frroku u shpall qytetar nderi me propozim të anëtares së Kuvendit Mrika Marku.
Kryetari i komunës Sokol Bashota ka thënë se ndihem mjaft mirë që komuna e Klinës po i shpall dy qytetar nderi nga dy lëmi të ndryshme të shtetit Shqiptar, duke shpresuar që do të jenë të pranishëm me 23 qershor në seancën e organizuar për nder të 100 vjetorit të Pavarësisë së Shqipërisë.
Halil Desku në emër të PDK-së i ka uruar kryetarit Sokol Bashota shpalljen e tij si qytetar nderi i bashkisë së Vlorës.
Dhe në fund Kuvendi ka marr vendim që të gjithë anëtaret e Kuvendit të udhëtojnë për Shqipëri në qytetin e Vlorës me rastin e 100 vjetorit të Pavarësisë së Shqipërisë.
