Kryetari i Komunës së Klinës, Prof. Dr. Zenun Elezaj, i shoqëruar nga komandanti i KFOR-it i Brigadës Shumëkombëshe-Perëndim, kolonel Gabriele Vacca, drejtori i Shërbimeve Publike dhe Emergjente, z. Qendrim Millaku, drejtori i Inspektoratit, z. Faruk Smajli, kanë vizituar njësinë e zjarrfikësve në Klinë ku janë pritur nga komandanti i kësaj njësie, z. Elmi Zenunaj, me ç‘rast kanë përuruar rregullimin e kamionit të emergjencave i cili është mjaft i nevojshëm për reagime në teren.
Kryetari Elezaj ka falënderuar KFOR-in, respektivisht zyrën CIMIC dhe njësisë së zjarrfikësve për bashkëpunimin dhe shprehi kënaqësinë për këtë intervenim në rregullimin e kamionit emergjent.
Kolonel Gabriele Vacca me një fjalë rasti falënderoi komunën për bashkëpunimin e në veçanti njësinë e zjarrfikësve për punën e tyre të shkëlqyer, të vështirë, të mundimshme por të ndershme. Ai theksoi se duke ju falënderuar angazhimit të zjarrfikësve jeta e qytetarëve të Klinës është më e sigurt.
Në fund kryetari Elezaj ndau mirënjohje për kolonel Vacca-në dhe ekipin e KFOR-it të cilët intervenuan në rregullimin e kamionit të emergjencave.
