Policia është në shërbim të qytetarëve 24 ore.
Është mbajtur mbledhja e radhës e KS-së në komunën e Klinës, të cilën e ka udhëhequr nënkryetari i komunës Zënin Zeqa . Në takim morën pjesë LMT-ja , Komandanti i Stacionit Policor në komunën e Klinës Agron Hasani, si dhe Shefi i Zyrës për Kthim Millorad Sharkoviq . Nënkryetari i komunës Zenun Zeqa tha se duke qenë në kontakt të vazhdueshme me Drejtorin e Shërbimeve Emergjente Esat Raci, i cili gjatë gjithë kohës është bashkë me kompaninë kontraktuese për pastrimin e rrugëve në teren , kemi informata se në komunën e Klinës të gjitha rrugët janë të kalueshme në përjashtim të disa lagjeve të vogla . Gjendja më e rëndë është në fshatrat Leskoc , Resnik dhe Çeskovë. Po ashtu , nënkryetari Zeqa ka thënë se Kryqi i Kuq sot do të shpërndaj ndihma për 30 familje, si ushqimore po ashtu edhe veshmbathje. Gjate këtij takimi Zeqa e ka falënderuar udhehqesein e LMT-së Peter Cuderman i cili është në përfundim të misionit të tij , duke i dëshiruar shëndet e suksese të mëtutjeshme në karrierë. Komandanti i Policisë Agron Hasani ka njoftuar se Policia është në shërbim të qytetarëve 24 ore aty ku është nevoja . Po ashtu ka njoftuar për vjedhje që janë bërë ditëve të fundit si dhe dy shtëpi që janë djegur. Hasani ka thënë se gjatë këtyre ditëve ka pasur me pak aksidente pavarësisht prej motit të lig. 
Përfaqësuesi i LMT-së-Peter Cuderman i cili sot e përfundoi misionin e tij, i ka falënderuar të gjithë për bashkëpunim, që sipas Cuderman ka qene një bashkëpunim i nivelit të lart. Po ashtu ,edhe përfaqësuesi i ri në LMT-ë në komunën e Klinës Miloš Dumić ka thënë që bashkëpunimi do të vazhdoi edhe më tutje dhe sot në këtë mot të lig ne jemi të gatshëm që aty ku është e nevojshme të jemi bashkë me ju .
