Kryetari i Komunës së Klinës, Prof. Dr. Zenun Elezaj, bashkë me drejtorin e Urbanizmit, Enver Berisha, dje kanë përcjellë nga afër asfaltimin e rrugëve në lagjen Bullaku, ndërsa punimet do të finalizohen edhe në lagjet e tjera sipas planifikimeve dhe dinamikes së paraparë.
Ky është një projekt dy vjeçar i financuar nga buxheti i komunës së Klinës, që ka një vlerë prej 225 428 euro.
Në kuadër të këtij projekti do të bëhet:
Asfaltimi i 2400 metra rrugë,
Ndërtimi i 1300 metra të trotuarit me ndriçim publik dhe
Shtrirja e 500 metrave të rrjetit të kanalizimit.
“Në kuadër të investimeve për përmirësimin e infrastrukturës në fshatra, po vazhdojmë projektin për asfaltimin e rrugëve, ndërtimin e trotuarit me ndriçim publik dhe shtrirjen e rrjetit të kanalizimit në fshatrat Jashanicë, Pograxhë dhe Resnik, projekt i cili ndikon në përmirësimin e infrastrukturës, por edhe rritë sigurinë në komunikacion për qytetarët e kësaj ane” – ka thënë kryetari Elezaj gjatë kësaj vizite.
