Në kuadër të aktiviteteve për “ Epopenë e UÇK-së”, në Klinë, homazhe nderimi për dëshmorët dhe martirët e kombit
Me rastin e 20- vjetorit të “ Epopesë së UÇK-së”, që i kushtohet rënies heroike të komandant Adem Jasharit dhe familjes së tij, zyrtarë të Komunës së Klinës, përfaqësues të Shoqatave të Dala nga Lufta e UÇK-së, ushtarakë të FSK-së, familjarë të dëshmorëve dhe qytetarë, sot kanë bërë homazhe nderimi të shtatorja e Komandant Mujë Krasniqit, varrezat e dëshmorëve te “ Kodra e Kuqe” dhe lapidari i martirëve të kombit të kësaj komunë.
“Me aktin e rënies heroike të komandantit legjendar Adem Jashari dhe familjes së tij dhe Jasharëve të tjerë, Kosova mundi frikën, me çka i hapi shtigjet e lirisë dhe të ardhmërisë. 
Sot mbarë shqiptarët përkulen me nderimin më të madh para veprës së kryeheroit të kombit, komandantit Adem Jashari dhe familjes së tij. Lavdi e nder të gjithë atyre që ranë për lirinë e këtij vendi”, ka thënë me këtë rast, kryetari i Komunës së Klinës, Zenun Elezaj.
