Komuna e Klinës është komuna e 28-ta , me radhë që është bërë hapja e Qendrës Informative Komunale për fushën e Bujqësisë.
Me përkrahjen e Ministrisë se Bujqësisë, Pylltarisë dhe Zhvillimit Rural të Kosovës dhe zyrës së Bashkimit Evropian në Kosovë, është hapur Qendra Informative Komunale për Bujqësi edhe në komunën e Klinës. Objektivi kryesor i kësaj qendre është ngritja e efikasitetit të shërbimit këshillimor për fermerët e komunës së Klinës. Me hapjen e Qendrës Informative Komunale për Bujqësi në Klinë, fermerët klinas tani e tutje do ta kenë më lehtë që të marrin këshilla profesionale, ose të këshillohen nga afër me ekspert të bujqësisë për problemet që ata kanë. Drejtori i drejtorisë së Bujqësisë në Klinë, z. Enver Marmullaku ka thënë: se kjo qendër këshillimore do të ofroje informacione të sakta për fermerët e komunës sonë për fushën e bujqësisë .Z. Hysni Thaqi , drejtor i Departamentit të Shërbimit Këshillimor për Bujqësi dhe Zhvillim Rural në Ministrin e Bujqësisë , tha se këshilltaret e trajnuar që do punojnë në këtë qendër , përvojën e tyre do ta bartin direkt tek fermerët. Ndërsa , z. Ros Bull ,udhëheqës i Projektit të Bashkimit Evropian tha se : ne po e bëjmë këto projekte që fermeri kosovar të jetë i gatshëm të konkurroj me të gjithë fermerët e BE-së . Qëllimi i këtij projekti nuk është vetëm promovimi i tij por është që të përmirësohet sistemi i punës dhe funksionimi i njëjtë në tërë Kosovën,me standarde që punon Bashkimi Evropian. Qëllimi ynë është që fermerët këtu ti përgatisim, kur Kosova të hyjë në BE , fermerët kosovar të jenë të gatshëm në hyjnë në konkurrencë me fermerët e Bashkimit Evropian.
Fermerët nga komuna e Klinës kane thënë se : Me formimin e kësaj qendre këshillimore presim që ne të përfitojmë eksperiencë për punët në bujqësi. Njëherë , fermerët klinas kanë kërkuar që kjo qendër të mos mbetet vetëm me këtë promovim por të filloi të veproj.
