Në Klinë është mbajtur Forumi i diskutimit për dialogun Nder-fetar në Kosovë, respektivisht në komunën e Klinës dhe të Istogut. Në takim të ftuar ishin kryetarët e dy komunave , Klinë dhe Istog , përfaqësues të fesë islame , katolike dhe ortodokse, drejtorët e Administratës, drejtorët e Shërbimeve me Publikun . Qëllimi i këtij takimi ka qenë, përforcimi i bashkëpunimit në mes komunave dhe liderëve fetarë. Shembulli i së mirës së bashkëjetesës nde- fetare është përcjellë brez pas brezi në komunën e Klinës. Komuna e Klinës gjithmonë i ka përkrah në mënyrë të barabartë në tri komunitet duke ndarë mjete për investime , aty ku komunitet i kanë pasur si prioritet, si në xhami, kishën katolike dhe kishën ortodokse.
Andrea Behm,drejtoresh e OSBE-së, për rajonin e Pejës , tha se : jam këtu për të parë nga afër bashkëjetesën e komuniteteve në dy komuna , ku jetojnë tri komunitete si : mysliman , katolik dhe ortodoks. Ky është forumi i pari për Klinën dhe Istogun, për vitin 2015. . OSBE tani është përqendruar në dialogun ndërfetar , ku është shënuar rritje dhe ne si OSBE do ti mbështesim vazhdimisht . Prandaj ne sot do të shohim se si komunat i kanë integruar këto forume ndërfetare.
Nënkryetari i komunës së Klinës, z. Enver Berisha, ka përshëndetur një organizim të tillë dhe ka thënë se dialogu ndërfetar dhe institucionet janë dy faktor që ju prin komunave , dy elemente mjaft të rëndësishme të integrimeve tona të brendshme, sa i përket tolerancës bashkëpunimit dhe bashkëjetesës. Përgjegjësit dhe obligimet që i ka pushteti lokal për trajtimin e këtyre temave, ne me punën tone dhe bashkëveprimet që i kemi edhe me institucionet fetare, përveç takimeve që kryetari i ka me komunitet fetare ne e kemi edhe Këshillin për Siguri ku mbahen mbledhjet e rregullta dhe pjesëmarrës të rregullt janë komunitete mysliman dhe ai katolik, ndërsa komunitetin ortodoks e përfaqëson Shefi i Zyrës për Komunitet që i takon komunitetit ortodoks.
Imami i Klinës,z. Fitim Bojaj , ka thënë se bashkëpunimi me komunën e Klinës është në nivelin më të lartë që mund të ekzistoj , gjithmonë dyert i kemi të hapura për çdo kërkesë apo ankesë. Sa i përket aspektit fetar na kanë lakmi të gjithë , sepse vazhdimisht me kishën katolike kemi takime , si dhe bashkëpunim shumë të mirë. Ndërsa me përfaqësuesit e kishës ortodokse sot për herë të parë po takohem. Bojaj ka thënë se në të ardhmen shpresoj që edhe klerikët e komunitetit ortodoks në të ardhmen do të na bashkon në takime e radhës.
