Në dinamikën e punimeve që po zhvillohet në komunën e Klinës, edhe sot kryetari i Komunës, Prof. Dr. Zenun Elezaj me bashkëpunëtor dhe nën shoqërimin e Zv. Ministrit Esat Raci kanë marr pjesë në fillimin e punimeve për shtrirjen e rrjetit të kanalizimit dhe asfaltimit të rrugës lokale në fshatin Jellovc.
Në hapjen e këtyre punimeve, Elezaj para qytetarëve të pranishëm ka deklaruar se Komuna e Klinës është e përkushtuar që investimet të shtrihen në të gjitha lokalitetet, kështu kemi arritur që të investojmë edhe në fshatin Jellovc në mënyrë që ta lehtësojmë qarkullimin dhe të krijojmë standarde jetike për banoret”, ka thënë Elezaj.
Këto dy projekte kapin vlerën afro 168 mijë euro dhe janë në bashkëfinancim më Ministrinë e Zhvillimit Rajonal.
