Kryetari i Komunës së Klinës, Prof. Dr. Zenun Elezaj, bashkë me ministrin e MAPL-së, Elbert Krasniqi, drejtorin e Urbanizmit, Enver Berisha, dhe me qytetarë, sot kanë përcjellë nga afër fillimin e punimeve për asfaltimin e rrugës “Afrim Haliti” në Jashanicë.
Projekti po realizohet me bashkëfinancim të komunës dhe MAPL-së, 49 600.00 euro janë investime të MAPL-së nga skema e Grantit të Performancës, pjesa tjetër do të paguhet nga buxheti i komunës.
Rruga ka gjatësi 2 500 metra, ndërsa gjerësia e saj është 5 metra.
Në kuadër të këtij projekti do të bëhet edhe shtrirja e 500 metrave të rrjetit të kanalizimit.
Falënderoj ministrin Krasniqi për mbështetjen që po i jep komunës së Klinës për realizimin e investimeve të nevojshme infrastrukturore.
