Krahas realizimit të projekteve për asfaltimin e rrugëve, në Klinë ka filluar edhe prerja dhe riparimi i rrugëve të asfaltuara vite më parë, e që janë dëmtuar.
Drejtori i Drejtorisë për Shërbime Publike, Ibër Elezaj, gjatë inspektimit të punimeve ka thënë se aktualisht janë duke u riparuar rrugët kryesore të qytetit ku gjatë muajit të ardhshëm do të shtrohet edhe një shtresë e re e asfaltit.
Elezaj ka bërë të ditur se përveç, riparimit të rrugëve brenda qendrës së qytetit , nga java e ardhshme do të bëhet riparimi edhe i rrugëve të tjera nëpër fshatra ku është dëmtuar asfalti, ka deklaruar ai.
