Në kuadër të përmbushjes së nevojave dhe kërkesave të qytetarëve të Komunës së Klinës, në disa lagje të qytetit si dhe në disa nga fshatrat e kësaj Komune, kanë filluar punimet për asfaltimin e rrugëve të cilat lidhin lagjet me rrugët kryesore.
Një investim prej 105,561.60 euro që është bashkëfinancim në mes Komunës së Klinës dhe qytetarëve të saj, është projekti i radhës i cili po realizohet nga kompania kontraktuese “MIRUSHA COMPANY” nga Klina. Ky projekt shtrihet në 2.400 metra gjatësi dhe përfshinë 10 segmente rrugore duke filluar nga lagja Palucaj, Krasniqi, Bajrami, Muslija, Tomaj në qytetin e Klinës pastaj rruga e fshatit Gremnik, Budisalc, Siqevë si dhe lagjet Zeqiri dhe Dedaj të fshatit Deiç, të cilat do të asfaltohen duke u bazuar tek projekti i lartpërmendur dhe plani për implementimin e këtij projekti kapital do të jetë 40 ditë pune.
Të hënën ka filluar asfaltimi i segmentit të parë në fshatin Deiç të Komunës së Klinës që lidh lagjet me rrugën kryesore të këtij lokaliteti, ndërsa ditëve në vazhdim do të asfaltohen edhe segmentet tjera rrugore. Asfaltimin e këtyre lagjeve, e ka parë nga afër edhe kreu i Komunës së Klinës, Prof. Dr. Zenun Elezaj, me bashkëpunëtor.
