Është promovuar libri i autorit Josef Martinsen “Puset e vdekjes në Kosovë”

Organizuar nga drejtoria e Kulturës, Rini dhe Sport, është promovuar libri i autorit Josef Martinsen “Puset e vdekjes në Kosovë”, në vitet 1998-1999. Libri është botuar në Qershor të vitit 2006, ku si një ndërkombëtar kishte bërë shumë punë për të dëshmuar vuajtjet civile gjatë viteve 1998-99. pas botimi të librit të parë , Martinsen kishte filluar të grumbulloj të dhëna lidhur me viktimat civile në Kosovë, që kishin të bëjnë me varrezat masive dhe e botoi librin e dytë , të titulluar :
”Çka ka ndodhur në Kosovë në vitet 1998-99-dokumentacion”. Pas katër vjetëve punë intensive , ka arritur të grumbulloj informata për afro 10.600 viktima civile. Libri përfshin tabela unike të radhitura me shumë të dhëna , paraqitjet e metodave ushtarake dhe pajisjet e tyre të cilat janë përdorur ndaj popullsisë civile, si dhe listat e varrezave masive në Serbi, ku ishin varrosur trupat për të fshehur dëshmitë. Dëshira e autorit Martinsen është, që t’iu ofroj informim gjithëpërfshirës dhe të tregoj se si është bërë terrorizmi në vitin 1998-99.

Në fund, është shfaqur edhe dokumentari që lidhet me ngjarjet e përshkuara në libër.