Këshilli për Siguri në Bashkësi në takimin e parë për vitin 2019, e ka vlerësuar që situata e sigurisë ne Komunën e Klinës është e qetë dhe stabile.
Nënkryetari i komunës , Besim Hoti ,i cili e ka udhëhequr këtë takim, i ka përshëndetur të gjithë anëtarët KKSB-së dhe njëherë i ka falënderuar Policin e Kosovës, Stacionin në Klinë, për punën dhe angazhimin në krijimin e sigurisë për të qytetarët klinas pa dallim.
Gjatë këtij takimi anëtarët e këshillit, kanë shprehur shqetësime për mungesën e shenjave të kufizimit të shpejtësisë në zona të caktuara urbane dhe rurale si dhe dëmtimin e tabelave të emërtimit të rrugëve.
Nënkryetari Hoti, apeloi tek qytetarët që të vetëdijesohen dhe të mos i dëmtojnë tabelat në përgjithësi sepse ato janë informuese dhe një pjesë e tyre janë donacion që është dhuruar për të mirën e qytetarëve të komunës sonë.
