Është mbajtur manifestimi kulturor “Flaka e Janarit”, kushtuar dëshmorëve Jusuf e Bardhosh Gervalla , Kadri Zeka dhe dëshmorëve të UÇK-së të rënë në Janar të vitit 1999 në Rugovë të Hasit .
Është mbajtur manifestimi kulturor “Flaka e Janarit”, kushtuar dëshmorëve Jusuf e Bardhosh Gervalla , Kadri Zeka dhe dëshmorëve të UÇK-së të rënë në Janar të vitit 1999 në Rugovë të Hasit .
Drejtori i Kulturës ,Rinis dhe Sportit Ahmet Krasniqi u shpreh se ky manifestim tradicional e jubilar i kushtohet të gjithë heronjve e dëshmorëve të kombit me pendë dhe armë të rënë në Janar, që nga Gjergj Kastrioti-Skënderbeu, Isa Boletini, Jusuf e Bardhosh Gervalla, Kadri Zeka, Rexhep Mala, Nuhi Berisha, Zahir Pajaziti si dhe dëshmorët e luftës së fundit të UÇK-së, Ilir Merturi ,Naim Gashi dhe Vesel Abdyli, të rënë së bashku me 21 dëshmorë e me 9 martirë në Rugovë të Hasit me 29 Janar të vitit 1999.
Fjalën e rastit për këtë manifestim e morën edhe nënkryetari i komunës Zenun Zeqa, shkrimtari i njohur klinas Prend Buzhala dhe drejtori i Muzeut Historik në Klinë Asllan Krasniqi. Manifestimi u përcoll me prezantime të nxënësve nga shkolla fillore “Ismet Raci” dhe shkolla e mesme “Luigj Gurakuqi” , si dhe klubi letrar “Vorea Ujko”, që kishin përgatitur program artistik.
