Ministri i Infrastrukturës, Pal Lekaj, ka vizituar sot Komunën e Klinës, ku është takuar më kreun e saj, Prof. Dr. Zenun Elezaj, nënkryetarin Besim Hoti, drejtorin e Urbanizmit Lorenc Marleku dhe drejtorin e Financave, Aziz Deskun.
Vizita e ministrit Lekaj, ka vazhduar në fshatin Krushevë e Madhe, ku morën pjesë në përurimin e fillimit të punimeve për asfaltimin e rrugës dhe rregullimin e infrastrukturës nëntokësore dhe u pritën nga një numër i madh i banorëve të këtij lokaliteti, ku ministri Lekaj tha se: Kërkesat dhe bashkëpunimet e tilla gjithmonë do të jenë të mirëpritura.
Ndërsa, Elezaj, u shpreh se: është ndër projektet më me prioritet i cili po realizohet në këtë fshat dhe realizimi i këtij projekti mundësohet në bashkëfinancim me Ministrinë e Infrastrukturës, si rrjedhojë e memorandumit të bashkëpunimit të nënshkruar me parë. Projekti kap vlerën rreth 300 mijë euro, më gjatësi prej 3.150, duke përshirë edhe 719 metra, infrastrukturë nëntokësore. Punimet do të realizohen nga dy kompani, Benita dhe Alti Com, në afat prej 120 ditësh.
