Kryetari i Komunës së Klinës, Zenun Elezaj, priti zëvendësministrin e Shëndetësisë Dr. Ali Berisha
Kryetari i Komunës së Klinës, Prof.Dr. Zenun Elezaj, me bashkëpunëtor, ka pritur sot zëvendësministrin e Shëndetësisë, Dr. Ali Berisha me stafin e tij, ku është biseduar për mbështetjen e shëndetësisë në Komunën e Klinës dhe nevojat që ka ky sektor.
Zëvendësministri Berisha, pohoi se Ministria e Shëndetësisë me të gjitha kapacitetet do të ndihmoië Klinën në fushën e shëndetësisë dhe për këtë është duke u punuar edhe në ndryshimin e ligjit që do të krijon mundësi më të madhe për mbështetje. “ Me ndryshimet ligjore do të ketë një përkrahje më të madhe ”, ka thënë Berisha.
Kryetari i Komunës së Klinës, Zenun Elezaj, pohoi se pushteti lokal është i interesuar të bëjë një riorganizim në shëndetësi për rritjen e efikasitetit dhe për këtë kërkojmë edhe mbështetjen e nivelit qendror. “Shëndetësia klinase ka nevojë për më shumë mjekë, që përveç ndihmës në institucionet publike, qytetarëve t’iu ofrohet edhe kujdesi shtëpiak”, tha Elezaj.
Drejtori i Shëndetësisë në Klinë, Hekuran Sejdiu, tregoi për nevojat që ka shëndetësia klinase dhe kërkoi ndihmë për ndërtimin e një Qendre për trajtimin e personave me të meta mentale, pasi qe janë 700 persona që kanë nevoje për këtë lloj trajtimi. U bisedua edhe për planet që ka qeverisja lokale për organizimin e sektorit të urgjencës. Kryetari Elezaj dhe zëvendësministri Berisha, kanë vizituar Qendrën Kryesore të Mjekësisë Familjare “ Nënë Tereza” në Klinë, ku nga afër janë njoftuar me punën dhe sfidat në këtë institucion shëndetësor.
