Me qëllim të diskutimit rreth “Kornizës Afatmesme Buxhetore 2019-2021”, u mbajt takimi me banorët e fshatit Ujmirë, ku morën pjesë Kryetari i Komunës së Klinës Prof. Dr. Zenun Elezaj së bashku me drejtorin e Drejtorisë së Financave, z. Aziz Desku dhe drejtorin për Shërbime Publike, z. Ibër Elezaj.
Në këtë takim, të pranishëm ishin edhe përfaqësues të fshatrave Çabiq, Gllarevë, Dobërdol dhe Zabërgjë.
Me këtë rast, me banorët dhe përfaqësuesit të këtyre lokaliteteve, u diskutua rreth problemeve infrastrukturore që po ballafaqohet fshati Ujmirë dhe këto lokalitete të kësaj zone, po ashtu edhe mundësitë e përfshirjes së kërkesave të tyre në “Kornizën Afatmesme Buxhetore 2019-2021”.
Kryetari Elezaj gjatë takimit e vlerësoi shumë të rëndësishme pjesëmarrjen e banorëve dhe i falënderoi për kontributin e dhënë në këto organizime. Elezaj, po ashtu u premtoi të pranishmëve se maksimalisht do të angazhohet për një buxhet më gjithëpërfshirës dhe se propozimet dhe sugjerimet do të merren parasysh.
Ky takim u organizua në bashkëpunim me OJQ “KOHA”.
