Vlorë, 17 maj 2018
Flamujve të shteteve pjesëmarrëse në Aulona Inter Folk Festival u printe kultura
Në Vlorë përfundoi Aulona Inter Folk Festivali – AIFF, ku prezantuan shumë Shoqëri Kulturore Artistike nga Ballkani, Evropa dhe nga Kina e largët. Organizatorët e Edicionit të 10-të të Aulona Inter Folk Festivalit, kishin bërë përgatitjet e duhura dhe të gjithë pjesëmarrësit, mysafirët, artistë, këngëtarë e valltarë u ndanë të kënaqur me pritje e përcjellje vëllazërore shqiptare. Delegacioni i Festivalit Folklorik Mbarëkombëtar “I Këndojmë Lirisë” nga Klina, në përbërje; Dibran Fylli, drejtor, Skënder Merturi, drejtor i Drejtorisë së Kulturës Rinis dhe Sportit e Ramadan Selimi, sekretar, zyrtarisht të ftuar nga Drejtori i AIFF, z. Sejmen Gjokoli, me ç’rast ky i fundit, për bashkëpunim të ndërsjellë i dhuroi Drejtorisë për Kulturë, Rini e Sport dekoratën me logo të AIFF-së.
