Komuna e Klinës ka investuar në asfaltimin e rrugës Klinë-Shtupel me 340 mijë euro.
Rruga Klinë –Shtupel , me gjatësi prej 5.8 km, që lidh shumë fshatra si Gjurgjevik i Vogël, Bingjë, Grapcë, Klinavcë dhe Drenoshiq ka filluar të asfaltohet. Komuna e Klinës do të investoj 340 mijë euro. Kryetari i komunës Sokol Bashota gjatë kësaj ceremonie ka thënë se: duke marr parasysh kërkesat e qytetareve komuna po e realizon një projekt me forca të veta buxhetore. Kjo rrugë do të ju lehtësoj lëvizjet për shërbimet e juaja me qendrat të tjera ka thënë Bashota.
Izver Dauti- anëtar i Asamblesë Komunale nga fshati Shtupel, ka falënderuar komunën për kontributin e dhënë në asfaltimin e rrugës Klinë- Shtupel . Ai ka shtuar se : Kryetari Bashota na ka premtuar këtë rrugë dhe tani po e realizon premtimin e tij.
