Me kërkesën e kryetarit Bashota, Presidentja e vendit, znj. Atifete Jahjaga, e ka dekoruar me “Urdhri Luftëtar i Lirisë Adem Jashari” dëshmorin Ali Ahmet Berisha. Në Qendrën e Kulturës “Jehona e Dukagjinit” në Klinë, u mbajt Akademi përkujtimore në 25-së vjetorin e rënjes së dëshmorit Ali Ahmet Berisha dhe 17-të vjetorin e rënies së dëshmorëve Remiz Januz Berisha, Musli Ahmet Berisha, Agim Brahim Gashi dhe Agron Halil Gashi.
Akademia u organizua nën përkujdesjen e kryetarit të Komunës së Klinës z. Sokol Bashota, i cili në fjalën e tij në hapje të kësaj Akademie mes të tjerash tha: “Para 25-së vjetëve në kohën kur filluan shkëndijat e para ti thuhet Serbisë Stop, ne jemi ndarë nga një bashkëluftëtar, nga një atdhetar i shquar i çështjes Kombëtare, Ali Berisha. Kjo familje jo rastësisht u rreshtua në shërbim të kauzës Kombëtare. Ky shërbim madhor nuk rreshti për asnjë moment. Alisë ju bashkua në piedestalin e lirisë edhe vëllai i tij, dëshmori Mulsi Ahmet Berisha, i rënë në luftën e UÇK-së. Edhe Ramizi më të cilin një natë para se të binte në altarin e lirisë, kemi ndenjur bashkë deri në orët e mëngjesit, edhe Agroni i cili me të marr lajmin për rënien e axhës së vet Agimit, merr armët e prindit dhe në luftë me armikun bije heroikisht, edhe të gjithë dëshmorët e kombit janë vet liria, janë gurë themeli i shtetësisë së Kosovës. Prandaj, jam shumë i sigurt se duke i kujtuar këta dëshmorë dhe sakrificën e tyre, asnjëherë nuk do të gabojmë në përcaktimin tonë në rrugën e shtet formimit. Lavdi të gjithë dëshmorëve të Kombit”. –përfundoj fjalimin e tij kryetari Bashota.
Vlen të theksohet se me kërkesën e kryetarit Bashota, Presidentja e vendit, znj. Atifete Jahjaga, e ka dekoruar me “Urdhri Luftëtar i Lirisë Adem Jashari” dëshmorin Ali Ahmet Berisha. Familjarët e dëshmorit në përfundim të kësaj Akademia e nderuar kryetarin Sokol Bashota me një mirënjohje për këtë kontribut të dhënë.
