12-të familje me gjithsej 58-të anëtar të komunitetit RAE, kthehen pas 15 vjetëve në vendlindje, fal angazhimit të komunës së Klinës ,Qeverinë e Kosovës – Ministrin për Kthim, në bashkëpunim me BE, UNHCR, dhe Qeverinë e Malit të Zi.
Me financim të BE –së dhe me implementim te UNHCR-it , komunës së Klinës dhe Ministrisë për Kthim në fshatin Klinafc të Klinës janë ndërtuar 12-të shtëpi për pjesëtaret e komunitetit RAE ,të cilët që nga lufta kanë jetuar në Mal të Zi. Në ceremoninë e pranim-dorëzimit të çelësave për banoret e kthyer , u tha se Klina do vazhdoj edhe në të ardhmen të punoj për kthimin e qëndrueshëm të gjithë atyre që kanë shprehur vullnetin të jetojnë në Kosovë.
Në ceremoni ishin prezent Kryetari i komunës së Klinës, z. Sokol Bashota, Christof Stock, Shef i Operacioneve, Zyra e BE-së në Kosovë, z. Dalibor Jevtiq, Ministër për Kthim dhe Komunitete, Qeveria e Republikës Kosovës, z. Predrag Boshkoviq, Ministër i Punës dhe Mirëqenies Sociale, Qeveria e Malit të Zi, z. Zheljko Sofranac, Drejtoria për Kujdes ndaj Refugjatëve, Mali i Zi, z. Jo Hegenaur, Shef i Misionit të UNHCR-së në Kosovë.
Kryetari i komunës së Klinës, z. Sokol Bashota, ka thënë se edhe një here Klina, po dëshmon se po angazhohet fuqishëm në projektin e kthimit të pakicave duke ju mundësuar te riintegrohen në shoqëri të gjithë atyre që e kanë braktisur vendlindjen gjate luftës në Kosovë.
Ndërsa, Ministri për Kthim , z. Dolibor Jevtiq, tha se pa angazhimin e të gjithëve, sot nuk do të ishe i mundur realizimi i këtij projekti shumë të rëndësishëm .Kjo nuk do të ishte e mundur , pa një koordinim politik i cili ka rezultuar me bashkëpunim në mes Qeveris së Kosovës ,komunës së Klinës dhe Qeveris së Malit të Zi. E gjithë kjo si rezultat dha këtë sukses që është vazhdimi i kthimit të shpërngulurve.
Një arritje të madhe e ka quajtur ndërtimin e 12-të , shtëpive për pjesëtaret e komunitetit RAE, Christof Stock, Shef i Operacioneve, Zyra e BE-së në Kosovë. Ndërtimi i kësaj lagjeje është një e arritur tjetër e përpjekjeve tona të përbashkëta për të mbyllur kampet Konik dhe Suto Orizare dhe për të ndihmuar kthimin dhe riintegrimin e atyre që kanë jetuar në kushte shumë të vështira jetese atje për një kohë kaq të gjatë. Kthimi nuk nënkupton vetëm një çati mbi kokat e tyre, mirëpo edhe pranimin nga komuniteti, qëndrimin e autoriteteve lokale dhe mirëqenien e të kthyerve. Kjo nënkupton arsimimin e fëmijëve, qasjen në kujdes shëndetësor dhe zhvillimin e bizneseve, si dhe krijimin e raporteve dhe mundësive të reja. Shpresoj se të gjithë ju do t’i bashkoni përpjekjet dhe do ta bëni këtë kthim dhe riintegrim një storie suksesi, ka thënë ,z. Stock.
Në emër të familjarëve të kthyer te Komunitetit RAE, të pranishmit i përshëndeti Muhamet Alijaj, duke i falënderuar të për përkrahjen e kthimit të tyre në vendlindje.
