Me rastin e 18-vjetorit të shpalljes së Pavarësisë së Republikës së Kosovës, aktivitetet në komunën e Klinës, nisën me intonimin e himnit dhe ngritjen e flamurit para objektit të komunës.
Në prani të Kryetarit të Komunës Zenun Elezaj dhe mixhës Halil Krasniqi, babait të Komandantit “Kapuçi”, Mujë Krasniqi, nënkryetarit Fadil Gashi, kryesuesit të Kuvendit Enver Berisha, bashkëpuntor të komunës, anëtar të Kuvendit, komandanti i Stacionit Policor në Klinë, kapiten Enis Lluka, përfaqësues të OVL-UÇK-së, veteranë të luftës, familjar dhe qytetar, kanë bërë homazhe dhe vendosën kurora lulesh pranë shtatores së Komandant “Kapuçi”, Mujë Krasniqit dhe te kompleksi memorial “Kodra e Kuqe” në Grabanicë.
Po ashtu, u mbajt seancë solemne e Kuvendit të Komunës.
Pas përfundimit të aktiviteteve të planifikuara, edhe Komuna e Klinës ju ka bashkuar marshit protestues “Drejtësi, jo politikë”, në mbrojtje të vlerave të Luftës Çlirimtare të UÇK-së.
17 Shkurti 2008 mbetet datë themelore në historinë e shtetit tonë.
Urime Dita e Pavarësisë Kosovë!
