Të nderuar qytetarë,
Komuna e Klinës, bazuar në Ligjin nr. 03/L-040 për Vetëqeverisjen Lokale, Ligjin për Financat Publike dhe Përgjegjësitë, Ligji për Financat e Pushtetit Lokal, si dhe Udhëzimin Administrativ (MAPL) Nr.04/2023 për Administratë të Hapur në Komunë, në bashkëpunim me Kryetarin e Komunës, hap procesin e dëgjimeve buxhetore për Kornizën Afatmesme Buxhetore – KAB 2026-2028.
Korniza Afatmesme Buxhetore komunale paraqet një përmbledhje të planifikuar të shpenzimeve dhe të hyrave buxhetore për komunën e Klinës për periudhën afatmesme 2026-2028, si dhe shpërndarjen e resurseve financiare nëpër programe komunale sipas prioriteteve të qeverisë komunale, të nxjerra nga dokumentet strategjike komunale dhe vendimet e Kuvendit Komunal të Klinës.
KAB 2026-2028 paraqet dokumentin kryesor mbi bazën e të cilit do të hartohet Buxheti vjetor për vitin 2026. Konsultimi publik është i hapur nga data 28 maj 2025 deri më 24 qershor 2025.
Ftohen të gjitha institucionet komunale, qytetarët, OJQ-të, bizneset, bashkësitë lokale, mediat dhe grupet e tjera të interesit të marrin pjesë në dëgjimet buxhetore për KAB 2026 – 2028.
Takimet do të mbahen sipas këtij planifikimi:
TAKIMI I – Salla e Konferencave, në Komunën e Klinës, me Kryetarët e Këshillave të Fshatrave, datë 05.06.2025, ora 10:00;
TAKIMI II – SHFMU “Isa Boletini”, në fshatin Poterç i Epërm, me banorët e fshatrave Poterç i Epërm, Poterç i Poshtëm, Drenoc dhe Dugajevë, datë 05.06.2025, ora 17:00;
TAKIMI III- SHFMU “Azem Bejta”, në fshatin Grabanicë, me banorët e fshatrave Grabanicë, Dollovë, Bokshiq, Këpuz dhe Qeskovë, datë 05.06.2025, ora 18:30;
TAKIMI IV – SHFMU “Motrat Qiriazi”, në fshatin Zajm, me banorët e fshatrave Zajm, Gremnik, Deiq, Dollc dhe Dresnik, datë 09.06.2025, ora 17:00;
TAKIMI V – SHFMU “Avni Zhabota”, në fshatin Shtupel, me banorët e fshatrave Shtupel, Kërrnicë, Binxhë, Grabc, (komunitetin joshumicë), datë 09.06.2025, ora 18:30;
TAKIMI VI – SHFMU “Tre Dëshmorët”, në fshatin Jashanicë, me banorët e fshatrave Jashanicë, Pogragjë, Dush i Vogël, Resnik, Jelloc, Gjurgjevik i Madh, Ujmirë, Dobërdol, datë 10.06.2025, ora 17:00,
TAKIMI VII – SHFMU “Dëshmorët e Qëndresës”, në fshatin Gllarevë, me banorët e fshatrave Gllarevë, Sferkë, Caravik, Volljakë, Zabërgjë, Përçevë, datë 10.06.2025, ora 18:30;
TAKIMI VIII – SHFMU “Atë Shtjefën Gjeçovi”, në fshatin Zllakuqan, me banorët e fshatrave Zllakuqan, Berkovë, Ranoc, Leskoc, Nagllavë, Dranashiq, Stupë, Rudicë, Jagodë, Videjë, Krushevë e Madhe dhe Budisalc, datë 11.06.2025, ora 17:00;
TAKIMI IX – Shtëpia e Kulturës “Jehona e Dukagjinit”, me temë “Prioritetet e grave dhe të rinjve të komunës së Klinës, datë 11.06.2025, ora 16:00;
TAKIMI X – Salla e Kuvendit Komunal Klinë, takim i përgjithshëm me banorët e Komunës së Klinës, qytetit dhe lagjeve, datë 12.06.2025, ora 10:00.
Materiali në formë fizike mund të merret në Zyrën për Punë të Kuvendit, Zyrën e Kryetarit dhe Zyrën e Drejtorisë së Financave. Po ashtu, gjendet edhe në ueb-faqen zyrtare të Komunës së Klinës si dhe Platformën e Konsultimeve Publike:
Komuna Klinë:
Propozimet e juaja lidhur me këto akte mund t’i dorëzoni me shkrim në Zyrën e Kuvendit (kati I, zyra e dytë, korridori në anën e djathtë) dhe në Zyrën e Kryetarit (kati II, zyra parë).
Gjithashtu, në mënyrë elektronike tek zyrtarët:
1. Vlora Tafili, email: vlora.tafili@rks-gov.net
2. Melihate Behramaj, email: melihate.behramaj@rks-gov.net;
Mirëpresim propozimet dhe sugjerimet e juaja nga data 28.05.2025, gjatë mbajtjes së dëgjimit dhe deri me datën 24.06.2025 nëpërmes mjeteve elektronike.
Pas përfundimit të fazës së diskutimit publik, propozimet e juaja do të merren në konsideratë duke u shqyrtuar në raportin e konsultimit publik, si dhe në seancën e radhës të Kuvendit të Komunës, konform dispozitave ligjore.
